Kampionia e Shqipërisë, Egnatia, është kualifikuar në raundin e tretë të Ligës së Konferencës.
Egnatia e Rrogozhinës e ka eliminuar skuadrën bjelloruse, Dinamo Minsk.
Egnatia fitoi 1:0 të enjten mbrëma në Rrogozhinë, ndërsa ndeshjen e parë e kishte fituar 2:0.
Golin në ndeshjen e kthimit e shënoi Kastriot Selmani në minutën e 77-të.
Ka avancuar edhe Dinamo e Tiranës që udhëhiqet nga trajneri Ilir Daja.
Dinamo luajti 1:1 Me Atletic Escalades të Andorrës, por u kualifikua pas fitores 2:1 në ndeshjen e parë.
Baton Zabërgja e shënoi golin për Dinamon në minutën e 18-të të ndeshjes së zhvilluar të enjten në Elbasan.
Ndërkohë, Vllaznia e Shkodrës është eliminuar pas vazhdimeve nga Vikinguri i Islandës.
Vllaznia fitoi 2:1 ndeshjen e parë në Shkodër, por në të kthimit të luajtur të enjten në Islandë u mposht 4:2 pas vazhdimeve pasi koha e rregullt përfundoi 3:2 në favor të ekipit vendas.
Kështu që, Vikinguri që eliminoi në raundin e parë Malishevën me rezultatin e përgjithshëm 9:0, në të dytin eliminoi Vllazninë me shifrat 5:4.
