Në Pejë, një edukatore në një çerdhe private dyshohet se ka ushtruar dhunë për disa herë ndaj një fëmije.
Shkodran Nikçi, zëdhënës i Prokurorisë në Pejë, ka konfirmuar për Tëvë1 se me urdhër të prokurorit, edukatorja është ndaluar dhe pritet të qëndrojë në paraburgim për 48 orë. Kjo pasi dyshohet për dhunë ndaj fëmijës, ndërsa pas intervistimit dhe analizimit të materialeve video nga vendi i ngjarjes, Prokuroria ka marrë këtë vendim.
“Sot është arrestuar edukatorja me dyshimin se ka përdorur dhunë dhe ka keqtrajtuar fëmijën, ku ajo ka qenë në detyrë si edukatore. Pas analizimit të incizimeve brenda çerdhes, e kemi arrestuar dhe me urdhër të prokurorit të shtetit është ndaluar për 48 orë,” tha Nikçi.
