Brenda kësaj banese e ndjera Gjyljeta Ukella kishte kaluar momente të rënda.
43 vjeçarja, pësoi dhunë psikike nga bashkëshorti, Edomond Lajqi vjeshtën e vitit 2021.
Madje ajo, e ndjera Gjyljeta Ukella e kishte denoncuar bashkëshortin e saj në këtë vit në polici.
Tëvë1 ka siguruar aktakuzën e ngritur për Edmond Lajqin nga Gjykata Themelore në Peje pikërisht më 5 tetor të vitit 2021.
Në këtë aktakuzë sqarohet se më 22 shtator të këtij viti, rreth orës 17:40 në Pejë, në shtëpinë e tij ka ushtruar dhunë psiqike ndaj bashkëshortes së tij, të dëmtuarës Gjyljeta Ukella.
Në këtë ditë, sipas këtij raporti të siguruar pas një zënke verbale që e kishin ne mes veti, pasi i dyshuari Edmon Lajqi ka 3 deri në 4 vite që vazhdimisht e ofendon të dëmtuarën.
Lajqi i ishte drejtuar viktimës me fjalë ofenduese.
“Ti je ???, vëllau yt po don me të nda edhe me të martue me miqasinë e tij, gjysma e Pejës janë … e tu, e shumë fjalë të tjera.
E duke u bazuar në nenin 248 të paragrafit të parë të KPRK-së, Edmond Lajqi kishte kryer veprën penale “dhunë në familje”.
Për këtë rast të dhunës në familje, Gjykata Themelore në Pejë kishte shpallur fajtor për këtë vepër me dënim me gjobë prej 400 euro.
“Për të cilën vepër i është shqiptuar dënim me gjobë në shumë prej njëqind (100) euro, të cilën gjobë është obliguar që t’a paguaj në afat prej tre (3) muaj pas plotfuqishmërisë së aktgjykimit si dhe dënim me burgim në kohëzgjatje prej tre (3) muaj, I cili dënim me kërkesën e të pandehurit I është zëvendësuar me dënim me gjobë në shumë prej treqind (300) euro, e të cilin dënim është obliguar t’a paguaj jo më vonë se tre (3) muaj pasi aktgjykimi të bëhet i plotfuqishëm. Ndaj aktgjykimit palët nuk kanë ushtruar ankesë, andaj aktgjykimi ka marrë formën e prerë me datë 25.02.2022 dhe i dënuari pas plotfuqishmërisë së aktgjykimit, në tërësi e ka paguar dënimin me gjobë”.
Edmond Lajqi dyshohet se vrasjen e gruas së tij e kreu me armë pa leje dhe nën ndikimin e substancave narkotike.
