Izet Mexheti, kryetar i Partisë Lëvizja Demokratike në Maqedoni të Veriut, pjesë e qeverisë së këtij shteti, ka akuzuar kryeministrin e Shqipërisë, Edi Rama për ndikim në përçarjen e koalicionit të VLEN, ku Arben Taravari si lider i këtij koalicioni është larguar nga qeveria.
Mexhiti kur është pyetur nëse Edi Rama ka pasur ndikim në këtë çështje, ndonëse ka thënë se nuk ka fakte për t’i paraqitur është shprehur se beson që Rama ka ndikuar.
“Nuk kam argumente konkrete për t’i shpalos, por mendoj që po dhe nuk e ka fsheh. Por, vizita e fundit e Tarvarit për ta rrumbullaksua këtë çështje ishte vizita tek z.Rama”, ka thënë ai në emisionin “Këndi i Debatit” në Tëvë1.
Ai ka thënë Rama më prioritet e ka BDI-në se sa përfaqësimin e shqiptarëve në Maqedoni të Veriut.
Mexhiti ka thënë se uron që në të ardhmen raportet me Ramën të jenë më të mira, sepse siç është shprehur ai, ata dëshirojnë që më Shqipërinë dhe Kosovën të jenë të mira.
