Për një muaj, vetëm 8 qytetarë të Kosovës kanë ndërruar targat e automjeteve ilegale në ato “RKS”.
Prej tyre, sipas Ministrisë së Punëve të Brendshme, gjashtë qytetarë janë nga komuniteti serb.
“Ju informojmë se nga data 01.09.2022 deri më sot kemi tetë (8) raste të ndërrimit të targave. Shtatë prej tyre janë automjete dhe një rimorkio e lehtë. Gjashtë janë nga komuniteti serb”, thonë nga MPB-ja.
Ish ministri i Punëve të Brendshme, Ekrem Mustafa thotë se ekzekutivi duhet të ketë një plan pas datës së 31 tetorit.
Sipas tij, kanë mbetur edhe një muaj kohë kur këto tabela do të jenë ilegale për Kosovën.
Madje Mustafa kujton periudhën kur ka qenë ministër që targat e njëjta janë konfiskuar së bashku me veturat.
Afati për kthim të tabelave në “RKS” nga tabelat ilegale “KM”, “PZ”, “GL”, “PR” të automjeteve është 31 tetori.
Kronika e realizuar nga gazetarja Fetije Kamberi.
