Profesori i gjuhës angleze Dr. Xhevdet Rusinovci, ka publikuar librin e tij të radhës, romanin “Politikë në hënë”.
Ai ka dhuruar disa kopje të librit për bibliotekën e medrese “Alaudin”, ku stafi i saj e ka përgëzuar për botimin.
“Politikë në Hënë” është një vepër shumëdimensionale, që jo vetëm reflekton mbi problemet aktuale, por edhe ofron një pasqyrè të thellë mbi ndërlikimet e relacioneve të qytetarit me çështjet socio-politike. Një roman që sfidon lexuesin për të menduar më thellë, për t’u aktivizuar, dhe për ta rigjetur veten brenda bashkësisë së brishtë që e rrethon, ku përmes dialogëve të thelluara dhe monologut introspektiv shtron ide mbi shoqërinë, politikën, dhe qenien njerëzore. Romani gjithashtu e shtynë lexuesin për të parë përtej të zakonshmes dhe normalizimit të saj, duke provokuar çështje thelbësore mbi drejtësinë dhe moralin qytetar. Përmes kësaj vepre letrare, Rusinovci e bën lexuesin ta kuptojë absurditetin politik, ndërsa njëkohësisht e frymëzon për të menduar ndryshe. Në tërësi, “Politike në Hëne” është një vepër që ngjall kureshtje dhe nxit reflektimin mbi aktualitetin dhe rolin e njeriut në një botë komplekse”, ka thënë Halil Bashota, profesor dhe studiues letrar.
