Skuadrës së Hoffenheimit së shpejti pritet t’i bashkohet edhe një futbollist shqiptar.
Bëhet fjalë për qendërmbrojtësin e Luganos, Albian Hajdari.
“Blick” ka shkruar se Hajdari është afër që karrierën ta vazhdojë në Gjermani te Hoffenheimi.
Hajdari të hënën nuk është paraqitur në stërvitje për Luganon. Sipas burimeve të “Blick”, Hajdari ka pranuar ofertë të mirë nga Hoffenheimi. Deri më tani nuk ka asgjë zyrtare.
Javë më parë u raportua se 22-vjeçari kishte arritur marrëveshje me West Ham Unitedin, skuadrën nga Premier League.
Për t’i siguruar shërbimet e Hajdarit kanë shprehur interesim edhe disa skuadra tjera.
Hajdari është prej mbrojtësve më të mirë në Superligën e Zvicrës.
Ai me Luganon ka kontratë deri në qershor të vitit 2028. Pjesë e Luganos është nga viti 2023. Ai është zhvilluar si futbollist te Baseli dhe Juventusi.
Te Hoffenheimi luajnë edhe dy futbollistët shqiptar, Fisnik Asllani dhe Leon Avdullahu.
