Mesfushorin e Kosovës, Bersant Celina edhe edicioni i ri pritet ta vazhdoj në futbollin anglez, pas një suksesi që ka pasur edicionin që lam pas, skuadrat nga Anglia kanë shprehur interesim për shërbimet e yllit dardan.
25-vjeçari ishte huazuar tek Ipswich Town (Liga e tretë e Anglisë) nga Dijon ku arriti të shënonte gjashtë gola dhe të asistonte në gjashtë të tjerë në 32 ndeshje në kampionat.
Megjithatë pas përfundimit të sezonit, Celina është rikthyer te Dijon ku ka kontratë me klubin deri në verën e vitit 2024. Por e ardhmja e prizrenasit duket larg klubit francez, pasi ai pritet të rikthehet sërish në Ishull.
Sipas mediave angleze janë shumë skuadra që kanë shprehur interesim dhe e pëlqejnë reprezentuesin kosovar. Por dy ekipet që janë duke i prirë listës për transferimin e Celinës janë Preston (Championship) dhe Ipswich Town (League One).
Dijon nga ana tjetër nuk do ta lejoj një tjetër huazim të kosovarit, pasi synon ta shes dhe të fitojë rreth tre milionë euro nga largimi i 25-vjeçarit.
