Një tjetër protestë studentore është paralajmëruar të mbahet më 18 maj në Shkup, pas pakënaqësive të studentëve shqiptarë lidhur me mosmbajtjen e provimit të jurisprudencës në gjuhën shqipe.
Lidhur me këtë reagoi edhe Bedri Hamza, kandidati i Partisë Demokratike të Kosovës për kryeministër, i cili shprehu mbështetje për protestën dhe kërkesat e studentëve shqiptarë.
Hamza tha se zëri i studentëve përfaqëson një brez që kërkon trajtim të barabartë, respekt dhe ruajtje të identitetit kombëtar.
Ai shtoi se do të jetë pranë çdo të riu shqiptar që angazhohet për mbrojtjen e gjuhës dhe të drejtave të tij.
“Zëri i studentëve shqiptarë në Shkup nesër është zëri i një brezi që kërkon respekt, barazi dhe dinjitet për identitetin e vet kombëtar. Jam gjithmonë pranë çdo të riu shqiptar që ngrihet për të mbrojtur gjuhën, identitetin dhe të drejtat e tij. Jemi me ju”, ka shkruar Hamza në një postim në Facebook.
