Televizioni “tëvë1” ka arritur marrëveshje bashkëpunimi me politologun, Albinot Maloku.
Maloku do të jetë panelist në cilësinë e analistit politik në emisionin “Këndi i Debatit”, por dhe në magazinat informative.
Albinot Maloku, është autor i disa librave, si dhe i dhjetëra artikujve të ndryshëm, është njohës i zhvillimeve politike në vend dhe rajon. Studimet universitare i ka përfunduar në Fakultetin e Shkencave Politike, departamenti i Politologjisë në Universitetin e Sarajevës, ato pasuniversitare në Fakultetin Juridik, departamenti i së Drejtës Ndërkombëtare në Universitetin e Prishtinës.
Ndërsa është në nisje të studimeve doktorale në Fakultetin Filozofik, në departamentin e Shkencave Politike në Universitetin e Sofies.
Analizat, komentet dhe opinionet e tij përveç në mediet në Kosovë e Shqipëri i janë publikuar edhe në Bosnje Hercegovinë, Serbi, Mal të Zi, Maqedoni të Veriut, Kroaci e Slloveni.
Ai është mjaft aktiv edhe në debate radiotelevizive, si dhe në konferenca shkencore vendore e ndërkombëtare.
Njihet si specialist i fushës së politikës veçanërisht atij rrafshi që rrokë gjeopolitika, përkatësisht temave si: Politika e jashtme, marrëdhëniet rajonale, shqiptarët, Ballkani, mediet, si dhe të drejtat e njeriut.
Kujtojmë se “tëvë1” të hënën arriti marrëveshje edhe me analistin politik, Xhevdet Pozharin. /teve1.info/
