Një person është arrestuar nga Policia e Kosovës, pasi që dyshohet se ka goditur një zyrtar policor, me ç’rast të njëjtit i ka shkaktuar edhe lëndime trupore.
Fillimisht, i dyshuari derisa ishte duke drejtuar automjetin nuk i kishte zbatuar urdhrat e zyrtarit policor për ndalim, ku më pas të njëjtin e ka sulmuar.
ADVERTISEMENT
Policia e Kosovës thotë se i dyshuari ishte larguar nga vendi i ngjarjes dhe kishte braktisur automjetin e tij. Derisa automjeti i braktisur është sekuestruar, i dyshuari minuta më vonë është paraqitur në stacionin policor.
Lidhur me këtë rast, prokurori ka marrë vendim që i dyshuari të dërgohet në mbajtje.
Ngjarja ka ndodhur dje në orët e pasdites, në rrugën “Rasim Kiçina” në Prishtinë./teve1.info/
