Flamuri i Kosovës vazhdon të valojë në krye të ndërtesës. Brenda saj, për më shumë se një muaj, vendbanim i vetëm për Lulzim Hetemin, është bërë objekti komunal i Leposaviqit.
Atmosfera jashtë, për disa javë vazhdon të jetë e qetë.
Të gjithë protestuesit janë të fokusuar rreth një tavoline.
E pjesa dërmuese e tendave janë bosh.
Lëvizjet përreth hapësirës përpara ndërtesës së komunës, janë të pakta.
Grupe – grupe qëndrojnë pjesëtarët e KFOR-it.
Ushtarakët italianë, janë të pozicionuar në të gjitha anët e objektit komunal të Leposaviqit.
E flamujt e Serbisë, ende qëndrojnë në pengesat qe shënjojnë kordonin e sigurisë së KFOR-it.
Përpos kësaj, ata valviten edhe rrugëve të qytetit.
Ndërkaq, Policia vazhdon të jetë e pranishme në postblloqe, rrugëve që të qojnë tek komuna e Leposaviqit.
Kronika e realizuar nga gazetarja Florijeta Dernjani
