Një foto vlen sa një mijë fjalë. Në këtë rast, një fakt. Ndeshja e Real Madridit kundër Manchester Cityt ka lënë një shifër të ftohtë që përshkruan brishtësinë sulmuese të ekipit madrilen.
Sipas statistikave të Opta, skuadra e Xabi Alonsos kishte vetëm një goditje në portë, atë të Rodrigos në shënimin e golit të parë dhe vetëm të Realit. Gjatë 62 minutave në vijim, Real Madridi nuk pati një goditje në portë. Në total, bardhezinjtë gjuajtën 16 herë, ndërsa kaluan nëpër të gjitha fazat e mundshme pa gjetur ndonjë shpërblim të mëtejshëm.
Numri i gjuajtjeve të Real Madridit në portë nuk ishte aq i ulët në atë kompeticion në Bernabeu që nga sezoni 2003/04.
Kundër Cityt, Xabi nuk mund të mbështetej te francezi Mbappe, për shkak të shqetësimit në dorën e majtë. “Ai mungon, por ne kishim shanse të mjaftueshme për të shënuar golin e dytë” ka thënë trajneri në lidhje me mungesën e tij. Por jo gjithmonë fjalët bashkohen me veprat. Pa Mbape, ekipi duket se ka ngecur. Kundër skuadrës së Guardiolës goditja standarde nuk funksionoi, as luajtja me Vinicius që erdhi për të përfunduar si një ‘9’ i pastër.
