UEFA ka vendosur që ndeshja e Ligës së Konferencës ndërmjet Ballkanit dhe Viktoria Plzen të mos luhet në stadiumin “Fadil Vokrri” në Prishtinë.
Gjendja e stadiumit është shumë e keqe pas ndeshjeve ku Kosova priti Izraelin dhe Bjellorusinë në kualifikueset e Kampionatit Evropian.
Së pari, Kosova i mposhti izraelitët me rezultat 1-0, e më pas me të njëjtin rezultat u mposht nga Bjellorusia.
Për fushë u ankuan futbollistët vizitorë të të dyja ekipeve, duke deklaruar se nuk kishin luajtur kurrë në fushë kaq të keqe.
Për të gjitha këto, sot ka reaguar edhe UEFA, e cila ka urdhëruar kampionin e Kosovës, Ballkanin, që ta presë Plzenin në një fushë tjetër.
Ende klubi suharekas ende nuk ka dhënë asnjë informacion zyrtar se në cilin stadium do të luhet ndeshja, por sipas faqes zyrtare të UEFA-s, ajo do të zhvillohet në Shqipëri.
Ndeshja do të zhvillohet në Air Albania në Tiranë, ndërsa opsion tjetër ishte edhe Arena e Kukësit.
Ndeshja Ballkani – Pilsen do të luhet të enjten e ardhshme, skuadra çeke tashmë e ka siguruar fazën eliminatore, ndërsa Ballkani po luftojnë për vendin e dytë me Astanan dhe Dinamon e Zagrebit.
Ballkani dhe Astana kanë nga katër pikë, ndërsa Dinamo nga tre pikë.
