Iryna Abramov i tha BBC-së se si trupat ruse sulmuan shtëpinë që ajo ndante me burrin e saj Oleg, i vunë flakën dhe e nxorrën burrin në trotuarin jashtë.
Babai i Irynës, Volodymyr, i cili jetonte në vendin fqinj, vrapoi për të shuar zjarrin, duke thirrur dhëndrin e tij për të ndihmuar. Por përgjigja erdhi nga ushtarët rusë, tha Volodymyr.
“Oleg nuk do t’ju ndihmojë më”.
Oleg Abramov, një saldator 40-vjeçar, i cili jetoi një jetë të qetë në Bucha, u qëllua jashtë shtëpisë së tij, vetëm pak çaste pasi trupat ruse mbërritën.
“Burri im nuk ishte ushtar. Ai kurrë nuk kishte mbajtur armë. Ai ishte një njeri paqësor,” tha Iryna.
“Ata e morën nga shtëpia jonë, i kërkuan të hiqte këmishën, i kërkuan të gjunjëzohej në tokë dhe e vranë”, deklaroi ajo.
Ajo ka treguar se ka vrapuar dhe ka gjetur trupin e burrit të saj të shpërfytyruar, katër ushtarët rusë që e tërhoqën zvarrë po qëndronin në këmbë duke pirë ujë, raporton BBC, transmeton teve1.info
Ajo u bërtiti ushtarëve rus për t’a vrarë, por ata nuk e vranë.
