Në oborrin e Klinikës së Patologjisë në QKUK po dyshohet për një mjet shpërthyes.
Këtë edhe e ka konfirmuar për teve1.info zëdhënësi i Policisë, Agron Borovci.
“Rreth orës 14:00 është pranuar informata për një mjet të dyshimtë, që dyshohet të jetë mjet shpërthyes, në klinikën e patologjisë, respektivisht institutin para klinik”, është shprehur ai.
Borovci po ashtu tha se policia është në vendin e ngjarjes dhe ka evakuuar personelin. Më tej ai njoftoi se ekipet e specializuara po vazhdojnë punën deri në pastrimin e plotë të perimetrit.
“Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme për tu siguruar nga rreziku i shpërthimit eventual, duke evakuuar personelin përreth dhe siguruar perimetrin e nevojshëm”, thuhet tutje në njoftim. /teve1.info/
