Federata Polake e Futbollit ka konfirmuar siç pritej, që përballë Shqipërisë do të luajë në stadiumin “PGE Narodowy”. Sfida është e programuar më 26 mars nga ora 20:45.
Ndeshja gjysmëfinale e Play-Offit për kualifikim në Botëror, do t ëluhet në stadiumin plot me tifozë në Varshavë, aty ku pritet të jenë 58500 tifozë të pranishëm.
Tifozët e Shqipërisë kanë një numër të limituar biletash. Konkretisht bëhet fjalë për 2900 tifozë, që përkon me 5 përqind të kapacitetit të stadiumit.
Sfida është e vlefshme për fazën gjysmëfinale të “play off” të Botërorit 2026. Fituesi i këtij çifti e luan finalen me atë që do fitojë përballjen Ukrainë-Suedi.
