Një qytetar është shoqëruar në polici pasi e kishte ekspozuar pistoletën në nj lokal në Gjilan, raporton teve1.info
Sipas raportit policor, pistoleta është konfiskuar kurse i dyshuari pas intervistimit është liruar në procedurë të rregullt.
“Gjilan 31.07.2023-03:10. Është shoqëruar në stacionin policor i dyshuari mashkull kosovar nën dyshimin se i njëjti në një lokal kishte ekspozuar një pistoletë.
Pistoleta është konfiskuar. Pas intervistimit me vendim të prokurorit, rasti procedohet në procedurë të rregullt hetimore”, thuhet në komunikatë.
Ndërsa një rast tjetër i armëmbajtjes pa leje është raportuar edhe në një shtëpi në Gjilan, ku sipas Policisë, një mashkull është arrestuar dhe dërguar në mbajtje.
Sipas raportit policor, gjatë bastisjes së shtëpisë së të dyshuarit, është gjetur një armë automatike, dy karikatorë dhe 64 fishekë 7.62 milimetër.
“Gjilan 31.07.2023.08:30. Është arrestuar një mashkull kosovar pasi gjatë bastisjes në shtëpinë e tij, është gjetur dhe konfiskuar një armë automatike dy karikatorë ,64 (gjashtëdhjetë e katër)fishek 7.62 mm. Pas intervistimit i dyshuari me konsultim me prokurorin është dërguar në mbajtje”, thuhet në njoftimin e Policisë.
