Flamurtari i Vlorës i ka bërë ofertë Odise Roshit. “Panorama Sport” zbulon ekskluzivisht se kuqezinjtë kërkojnë të rikthejnë në Vlorë pas 14 vitesh futbollistin fierak, që ka qenë pjesë edhe e Kombëtares shqiptare të futbollit.
Roshi ishte pjesë e Flamurtarit qysh në rininë e hershme të tij dhe ka mbajtur veshur fanellën kuqezi në sezonet 2009-2011 dhe më pas u zhvendos drejt Gjermanisë, ku për 4 vite do të aktivizohej me Këln dhe Frankfurt. 33- vjeçari do të kishte edhe disa aventura të tjera jashtë Shqipërisë për t’u zhvendosur në Turqi në vitin 2021. Roshi ka shkëlqyer këtë vit tek Erzurumspor. Nisur edhe nga rikthimi në Superiore, Flamurtari do të kërkojë me ngulm që të marrë shërbimet e ish-lojtarit të Kombëtares.
