Trajneri i Lecces, Marco Giampaolo e ka nxjerrë jashtë planeve të ekipit të tij, mesfushorin Ylber Ramadani.
Giampaolo, që u emërua trajner tek Lecce në nëntor, nuk po e preferon Ramadanin si startues dhe për këtë arsye nuk përjashtohet mundësia e largimit të tij këtë muaj.
Megjithatë, drejtuesit e Lecces nuk e shohin si opsion largimin e Ramadanit, i cili së fundmi është kërkuar nga Napoli.
Drejtori teknik, Pantaleo Corvino e sheh Ramadanin titullar dhe beson se mesfushori do të mbetet pjesë e Lecces deri në fund të sezonit.
Ramadani po e luan sezonin e tij të dytë te skuadra italiane, me të cilën ka kontratë deri në vitin 2026.
Këtë sezon në Serie A, Ramadani ka 16 paraqitje dhe 1 asistim kurse në tri ndeshjet e fundit nuk është aktivizuar fare.
