Një person është arrestuar të dielën pasdite në Gjilan, nën dyshimet se ka sulmuar seksualisht një grua, njofton Policia e Kosovës në raportin e saj ditor.
I dyshuari, është ndaluar nga njësitë policore pas marrjes së informacioneve nga ana e Policisë.
Lidhur me rastin është njoftuar prokurori i shtetit, i cili ka lëshuar vendim që i dyshuari të dërgohet në mbajtje.
Hetimet për rastin janë duke vazhduar nga autoritetet përkatëse.
“Është arrestuar i dyshuari mashkull kosovar për shkak se i njëjti dyshohet se e ka kryer veprën e lartcekur ndaj viktimës femër kosovare. Me vendim të prokurorit i dyshuari është dërguar në mbajtje”, thuhet në raportin ditor të PK-së./teve1.info/
