Pasditen e 5 tetorit, dy vajza të mitura janë larguar nga një nga Qendrat e viktimave të dhunës seksuale në Prishtinë.
Njëra 15 vjeçare e tjetra 16 vjeçare, ishin strehuar në këtë qendër për shkak të sulmeve e ngacmimeve seksuale që kishin pasur më herët.
15 vjeçarja u gjet nga Policia e Kosovës tri ditë pasi ishte larguar nga strehimorja dhe e njëjta kishte deklaruar se ishte dhunuar seksualisht nga një burrë në Skenderaj.
Nga Prishtina dyshohet se të dy te miturat kanë ardhur në Skenderaj ku njëra nga to sipas burimeve te tëvë1 është dhunuar seksualisht në një nga motelet e këtij qytetit.
E pas intervistimit nga Policia e Kosovës është dërguar në Institutin e Mjekësisë ligjor për ekzaminim. Kurse e mitura tjetër, e cila vjen nga ky qytet ende nuk dihet se ku po qëndron.
15 vjeçarja e cila dyshohet se u dhunua siç mëson Tëvë 1 vjen nga një qytet tjetër i Kosovës.
Rreth këtij rasti detaje kanë dhënë edhe Policia e Kosovës të cilët rastin e kanë hapur si “Dhunim”.
Nga Policia kanë bërë të ditur se ngjarja kishte ndodhur një ditë pas të njëjtat ishin larguar nga Qendra.
“Skenderaj 06.10.2025 – 01:00-03:00. Viktima e mitur femër kosovare dyshohet se kishte kryer marrëdhënie seksuale me dëshirën e saj, me të dyshuarin mashkull kosovar. Pas intervistimit viktima është dërguar për ekzaminime mjekësore. Nuk raportohet për të arrestuar”.
Për shkak të ndjeshmërisë së rastit, nga Qendra për Punë Sociale në Skenderaj nuk kanë dashur të flasin.
Televizioni ka dërguar pyetje edhe në Prokurorinë Themelore të Mitrovicës por nuk ka marrë përgjigje deri në momentin e publikimit të kronikës
