Policia e Kosovës, ka njoftuar se është identifikuar dhe shoqëruar në polici një person e dyshuar për kanosje në Ferizaj.
E shoqëruara në polici është A.B 32 vjeçare, e cila dyshohet se përmes rrjetit social Instagram ka kanosur një zyrtar komunal, dhe se, e njëjta është intervistuar në prani të avokatit mbrojtës sipas procedurave ligjore.
Komunikata:
Identifikohet dhe shoqërohet në polici një person e dyshuar për kanosje në Ferizaj
Ferizaj, 14.05.2026
Hetuesit e Sektorit Rajonal të Hetimeve në Ferizaj kanë arritur të identifikojnë dhe të shoqërojnë në stacionin policor personin e dyshuar me inicialet A.B. (32 vjeçe).
Sipas hetimeve dyshohet se përmes rrjetit social Instagram ka kanosur një zyrtar komunal. Rasti ka ndodhur më datë 12.05.2026.
Me datën 14.05.2026, e dyshuara është shoqëruar në stacionin e policisë dhe është intervistuar në prani të avokatit mbrojtës sipas procedurave ligjore.
Lidhur me rastin është njoftuar prokurori i shtetit dhe me urdhër të tij, ndaj të dyshuarës është iniciuar procedura e rregullt hetimore për veprën penale “Kanosje”.
