Tash e disa javë, në hapësirat e Universitetit “Haxhi Zeka” në Pejë janë duke u mbajtur zgjedhjet.
Por kjo garë ka bërë që të ngritën dyshime për shkelje të ligjeve të disa nga anëtarëve në Këshillin e Fakultetit të Biznesit.
Bëhet fjalë për profesorin Bashkim Nurboja i cili është zgjedhur anëtar i Këshillit, por njëkohësisht ushtron detyrën e anëtarit të Bordit të Bankës Qendrore të Kosovës.
Driton Sylqa, i cili është zgjedhur anëtar i Këshillit të Fakultetit dhe njëkohësisht nënkryetar dhe i njëjti është nënshkrues i vendimit për përbërjen e po të njëjtit Këshill.
Si dhe Suada Ajdarpašić , e cila ushtron detyrën e drejtoreshës së Institutit për Shkencë në Pejë dhe njëkohësisht është edhe anëtare e Këshillit të Fakultetit të Biznesit.
Sipas dekanit të fakultetit të Bizesneve, përzgjedhja e këtyre si anëtarë është shkelje e ligjit në fuqi.
Madje Shabani thotë se për këtë çështje, i është drejtuar edhe Agjencisë kundër Korrupsionit.
“Disa anëtare të Këshillit të Fakultetit të cilët janë përzgjedhur në Këshillin e fakultetit mbajnë edhe sot pozita të larta, ku ligji e thotë qartë se nuk mund të mbajnë dy pozicione të larta menaxheriale në vendet publike. Universitetit “Haxhi Zeka” e ka hartuar një rregullore e cila nuk është në përputhje me statusin e universitetit, me ligjin e punës si dhe nuk është në përputhje me mbrojtjen e të drejtave të njerit, kështu e kemi dërguar këtë rregullore në Gjyaktën Supreme, kurse sa i përket përzgjedhjes së Këshillit të fakultetit ne iu kemi drejtuar AKK-SË”, tha dekani i Fakultetit të Biznesit, Halit Shabani.
Për secilin nga këto raste, nga Këshilli Qendror i Zgjedhjeve kanë dhënë sqarim për televizionin.
Sipas kryesuesit të KQZ-SË, Mensur Morina, rregullorja e Universitetit ia lejojnë Driton Sylqës të jetë anëtar i Këshillit të fakultetit.
“Neni 11-të lejon që anëtarët e të KQZ-së dhe KFZ-së mund të aplikojnë, të zgjedhën si anëtar të Këshillit të Fakultetit, nuk kanë asnjë lloj të konfliktit të interesit në bazë të kësaj rregullore, por e kanë të ndaluar të zgjidhen në pozita menaxhuese, siç është dekan senator.. por këta mund të zgjedhen nëse paraprakisht japin dorëheqje”, tha Morina.
E njëjtë thotë edhe për rastin e Bashkim Nurobojes dhe Suada Ajdarpašić.
“Rregullorja e lejon një çështje të tillë nuk e ka bërë ndonjë ndalesë mirëpo nëse kemi të bëjmë me një konflikt interesi unë iu sugjeroj që të drejtohen Agjencionit Kundër Korrupsion, dhe aty mund të merrni përgjigje në rast që ka vendim të tillë ne jemi Këshilli Qendror i zgjedhjeve dhe largojmë nga lista”, tha Morina.
Madje edhe organizatat e studentëve kanë reaguar rreth këtyre zgjedhjeve brenda fakultetit të Biznesit.
“Ne si studentë nuk kemi qasje shumë në këto zgjedhje, por sa i përket mënyrës se si është interpretuar nga anëtarët e tjerë se ata janë zgjedhur në mënyrë të padrejtë atëherë edhe nga studentë vlerësohet e padrejtë dhe në të ardhmen mund të ketë pasoja të ndryshme”, tha anëtari i këshillit nga radhët e studentëve, Ardit Bobaj.
Televizioni ka kontaktuar edhe Nurbojën dhe Sylqën, të cilët kanë mohuar që përzgjedhja e tyre paraqet konflikt interesi.
Derisa tëvë1 ka kërkuar sqarim edhe nga Agjencia për Parandalimin e Korrupsionit nëse këto raste janë bërë në kundërshtim me ligjet, por të njëjtit kanë thënë se janë duke e shqyrtuar çështjen.
