Policia e Kosovës, të mërkurën ka arrestuar një person nën dyshimin se ka kryer veprën penale “Falsifikim të dokumenteve”.
Përmes raportit 24-orësh bëhet e ditur se rasti ka ndodhur në rrugën “Nëna Terezë” në Fushë Kosovë më 22 mars.
Të dyshuarit thuhet se i janë gjetur dhe konfiskuar si prova materiale pesë vula të institucioneve të ndryshme, dokumente të ndryshme si akte noteriale, diploma kontrata – marrëveshje.
Me vendim të prokurorit, i dyshuari është dërguar në mbajtje.
“Me 18.06.2025 është arrestuar i dyshuari mashkull kosovar nën dyshimin se kishte kryer veprën penale falsifikim i dokumenteve. Gjatë bastisjes së shtëpisë dhe objekteve përcjellëse të të dyshuarit janë gjetur dhe konfiskuar si prova materiale 5 vula të institucioneve të ndryshme, dokumente të ndryshme si akte noteriale, diploma kontrata – marrëveshje”, thuhet në raportin 24 orësh të Policisë së Kosovës.
