Tre persona, njëri prej të cilëve i mitur, të enjten janë arrestuar nën dyshimin për veprat penale ‘vjedhje e rёndё’, ‘vjedhje’ dhe ‘mbajtje nё pronësi, kontroll ose posedim tё paautorizuar tё armёve’, në Pejë.
Sipas Policisë, të dyshuarve gjatë kontrollit u janё gjetur dhe sekuestruar njё armë e ftohtë (thikё) dhe sende të ndryshme tё cilat dyshohet se janё vjedhur në disa lokacione tё ndryshme.
Pas intervistimit nga hetuesit, thuhet se dy janё ndaluar pёr 48 orё, ndёrsa i mituri ёshtё liruar në procedurё të rregullt.
“Drejtoria Rajonale e Policisë nё Pejë, Stacioni Policor në Pejё, me datёn 02.07.2025, pas njё pune intensive nga hetuesit e Stacionit Policor nё Pejё, kanё arritur tё arrestojnё tre persona tё dyshuar, tё cilёt ditёve tё fundit në zonën e pёrgjegjёsisё tё Stacionit Policor nё Pejё, kanё kryer disa vjedhje tё rёnda dhe vjedhje.
Nё koordinim me prokurorin e Shtetit, janё kryer kontroll/bastisje në vendbanimet e personave tё dyshuar, ku janё gjetur dhe janë sekuestruar: njё armë e ftohtë (thikё) dhe sende të ndryshme tё cilat dyshohet se janё vjedhur në disa lokacione tё ndryshme. Pas intervistimit nga hetuesit, dy tё dyshuarit, me urdhër të prokurorit, janё ndaluar pёr 48 orё, ndёrsa i dyshuari i mitur ёshtё liruar në procedurё të rregullt”, thuhet në njoftim.
