Nënkryetarja e Partisë Demokratike të Kosovës, Vlora Çitaku ka reaguar pas arrestimit të dy personave nën dyshimin për dhunim të një 13 vjeçareje në Drenas.
Çitaku tha se kjo është një “flakareshë që të tronditë pas delirit me lule, torte, ndeja e dolli për 8 Mars”.
“Dy burra janë arrestuar sot nën dyshimin se kanë dhunuar një 13 vjeçare në Drenas. Flakareshë që të tronditë pas delirit me lule, torte, ndeja e dolli për 8 Mars. Larg jemi shumë, larg nga ideali i barazisë. Larg nga krijimi i një shoqërie në të cilën vajzat lindin e rriten pa frikë nga dhuna e dominimi. Dhimbje pa fund”, tha ajo.
Ndryshe, një 13-vjeçare dyshohet se është dhunuar nga dy persona të rritur gjatë së dielës. Me këtë rast zëdhënësi i policisë për rajonin e Pejës, Fadil Gashi, tha se të dyshuarit janë ndaluar për 48 orë./teve1.info./
