Dy pronarë të lokaleve do të intervistohen në Han të Elezit lidhur me dyshimet për helmim nga ushqimi.
Zëdhënësi i Policisë për rajonin e Ferizajt, Kanun Veseli ka thënë se Njësia e Hetimeve në Hani Elezit ka kontaktuar prokurorin e shtetit dhe me urdhër të tij është iniciuar rasti për hetim “Prodhimi dhe vënia në qarkullim e artikujve të dëmshëm ushqimorë”.
“Si rrjedhoje do të intervistohen dy pronarë të dy lokaleve në qytetin e Hani Elezit, në funksion të zbardhjes së plotë të rrethanave të rastit. Policia, në koordinim me prokurorin e shtetit, është duke ndërmarrë të gjitha veprimet e nevojshme hetimore”, ka njoftuar Veseli.
Klinika Infektive ka bërë të ditur se 5 raste me helmim nga ushqimi janë pranuar nga kjo komunë. /teve1.info/
