Lija e majmunëve ka dyshime se ka ardhur në Kosovë.
Dyshime për lijën e majmunëve në Kosovë, IKSHPK dërgon mostrën e pacientit në Holandë
Nga pasditja e së premtes, një gjashtëdhjetë vjeçar, është hospitalizuar në Klinikën Infektive, pas ndryshimeve në lëkurë, që konsiderohet si njëra prej simptomave të këtij virusi.
Sipas Institutit Kombëtar të Shëndetësisë Publike, përpos mbikëqyrjes epidemiologjike të pacientit, po gjurmohen edhe rastet e kontaktit.
E këto mostra janë dërguar në Holandë.
“Mostra do të dërgohet në laboratorin referent të OBSh në Hollandë, presim edhe rezultatet laboratorike deri në diagnozën përfundimtare sipas kritereve të parapara”, thonë nga IKSHPK.
Lia e majmunëve është një virus që mund të shkaktojë ethe dhe dhimbje, e cila shoqërohet me puçrra të fryra të kuqe.
Sipas OBSH-së, përhapja e lisë bëhet kur dikush bie në kontakt të ngushtë me një person tjetër, kafshë ose material të infektuar me virusin.
Deri më tani, 18 shtete në të gjithë botën kanë raportuar rastet me linë e majmunëve. Ky numër pritet të rritet edhe më tej, por ekspertët thonë se rreziku i përgjithshëm për popullatën e përgjithshme mbetet i ulët.
Sa i përket rajonit, një rast deri më tani është konfirmuar vetëm në Slloveni.
Ndërkohë Belgjika ka informuar se do të vendosë karantinën e detyrueshme për personat të cilët janë infektuar me linë e majmunëve, duke u bërë shteti i parë që ndërmerr këtë hap.
Kronika e realizuar nga gazetarja Florijeta Dernjani.
