Një rast tragjik ndodhi të premten në Prishtinë.
Një burrë u gjet i vdekur brenda banesës e bashkëshortja e tij mbeti e plagosur, ku plagët dyshohet se u shkaktuan nga një mjet i mprehtë thikë.
Rast i njëjtë po thuajse ndodhi të martën, ku një burrë kreu vrasje brenda familjes duke e lënë të vdekur vajzën e tij 15-vjeçare, e duke i shkaktuar lëndime tjetrës, 10-vjeç.
Gjatë javës pati edhe disa incidente si therje me thikë e të tjera.
Por, pse po ndodhin kaq shumë raste?
Ish-shefi i hetimeve në Policinë e Kosovës, thotë se janë disa faktorë që ndikojnë në kryerjen e këtyre veprave penale.
“Faktori i familjes, ka shumë familje të ndara, të divorcuara po i shohim sa ka shumë tash edukata e tyre qoftë që janë me njërin prind apo edhe pa dy prind apo janë në mëshirën e kulturës së rrugës dhe më tepër e mësojnë janë të ndikuar nga grupet tjera kriminale që ta marrin mësimin që nuk është për ta adekuat që është mësim i kundërligjshëm, i cili e dëmton rritjen dhe perspektivën e tyre në të ardhmen, pastaj edhe një mori faktorësh edukativ siç janë shkollat”, tha koloneli në pension, Rrahman Sylejmani.
Ai jep edhe disa propozime që sipas tij, do të ndihmonin që të ulej kriminaliteti në vend.
“Qoftë në kuadër të Policimit në bashkësi, qoftë në kuadër të policimit që i kanë nëpër uarte të ndryshme të qytetit si policët e lagjes, ata duhet të jenë shumë më prezent dhe duken nëpër sheshe, vende të ndryshme, ahengje të ndryshme ku ka një numër të madh të të rinjve, qoftë edhe ndonjë koncert apo diçka tjetër, ndonjë eveniment sportiv apo diçka kulturor, nuk është shumë me rëndësi por duhet të jenë shumë më prezent. Pastaj edhe të komunikojnë me njerëz sepse e kam një bindje që është këputë ajo hallka e komunikimit”, propozon ai.
Edhe ish-zëvendës ministri i Punëve të Brendshme, kërkon një angazhim më të madh të institucioneve të sigurisë.
“Fokus kryesor duhet me pasë ç’armatosjen e popullatës, sa më pak armë pa leje në duar të qyetarëve probalitetieti për me ndodhë këto lloj incidnente janë më të vogla. Mendoj që duhet të punohet në dy rrafshe duke pasë operacione sistematike policia e vendit dhe duke pasur fushata sensibilizuese për ç’armatosjen e qytetarëve”, tha Selam Shkodra.
Po ashtu, ai shtoi se duhet patur një komunikim edhe më të madh mes qytetarëve dhe Policisë.
