anë vjedhur dy kuti me mjete financiare për humanizëm në dy lokale në Obiliq. Janë raste të ndara: njëri ka ndodhur më 16 maj, tjetri më 23 maj.
Shefi i sektorit të hetimeve në Obiliq, Naim Maloku, tha për KosovaPress se dy të dyshuarit fillimisht ishin të panjohur dhe tani janë dërguar në ndalim 48 orë.
“Rasti… rasti i fundit kemi të bëjmë me dy raste, raste të ndara. Kemi të bëjmë me datën 16 edhe 23. Kemi të bëjmë me vjedhje të rënda, ku personat kanë qenë të panjohur, rasti ka qenë NN. Me angazhimin tonë, policisë, sektorit të hetimit, së bashku me zyrtarët e tjerë, kemi arritur t’i identifikojmw këta persona, të cilët kemi arritur edhe t’i gjejmt gjurmët, dëshmitë dhe të njëjtit me urdhër të prokurorit u është caktuar ndalimi 48 orë”, tha Maloku.
Sipas tij, ende nuk dihet me saktësi shuma e parave të vjedhura, sepse janë duke siguruar të dhënat e plota.
Të dyshuarit për kryerjen e veprës penale “Vjedhje e rëndë” janë me inicialet H.M, 38 vjeç dhe A.B, 23 vjeç. Sipas Malokut, ata janë recidivistë.
“Mosha e tyre është moshë madhore. Janë persona recidivistë, të njohur pak për raste të tjera, që kemi pasur raste…Po, recidivistë të vjedhjeve të rënda. Këtu në komunitetin këtu, në Obiliq, kemi raste të tjera, falë Zotit, edhe angazhimit të policisë, krim-teknikës në përgjithësi, kemi siguruar gjurmë, dëshmi, ku kemi raste të tjera që kemi arritur t’i identifikojmë personat e dyshimtë”, tha Maloku.
Të dyshuarit për këtë vjedhje të rëndë i përkasin komunitetit rom.
