Një aksident trafiku ka ndodhur mbrëmjen e sotme në rrugën nacionale Pejë–Prishtinë, ku janë përfshirë dy vetura dhe një person ka mbetur i lënduar.
Sipas zëdhënësit të Policisë së Kosovës, Bajram Krasniqi, rasti është raportuar rreth orës 20:10.
“Policia është njoftuar për një aksident trafiku dhe njësia e trafikut ka dalë menjëherë në vendin e ngjarjes në fshatin Komoran, në rrugën nacionale Pejë–Prishtinë, ku dy automjete janë përfshirë në aksident”, ka deklaruar Krasniqi.
Si pasojë e përplasjes, një person ka pësuar lëndime trupore, ndërsa rrethanat e aksidentit po hetohen nga autoritetet.
