Një vajzë ka raportuar se ka qenë viktimë e një sulmi fizik nga dy vajza të tjera të maskuara, të mërkurën në Prishtinë.
Në raportin e Policisë thuhet se pas sulmit, të dyshuarat kishin inçizuar ngjarjen dhe më pas e kishin shpërndarë videon në rrjetet sociale.
Lidhur me rastin është identifikuar dhe arrestuar njëra nga të dyshuarat dhe e njëjta pas intervistimit me vendim të prokurorit është dërguar në mbajtje.
“Ankuesja femër kosovare ka raportuar se dy vajza me maska në fytyrë e kishin sulmuar fizikisht dhe këtë sulm e kishin inçizuar dhe më pas i kanë postuar në rrjete sociale. Lidhur me rastin është identifikuar dhe arrestuar njëra nga të dyshuarat femër kosovare dhe e njëjta pas intervistimit me vendim të prokurorit është dërguar në mbajtje”, bëhet e ditur në raportin 24-orësh të Policisë./teve1.info/
