Një aksident i rëndë rrugor ka ndodhur në aksin Kabash-Porocan, në bashkinë Gramsh, pranë fshatit Bardhan.
Sipas informacioneve paraprake, një mjet tip kamion ka dalë nga rruga dhe ka rënë në humnerë. Në automjet udhëtonin tre persona, pjesë e personelit që shërben në zonat rurale, një mësuese, një infermiere dhe drejtuesi i mjetit.
Si pasojë e aksidentit, mësuesja dhe drejtuesi i mjetit kanë humbur jetën në vend, ndërsa infermierja është nxjerrë e gjallë nga mjeti, por ndodhet në gjendje shumë të rëndë shëndetësore.
Në vendngjarje kanë mbërritur shërbimet e emergjencës dhe policia, të cilat kanë bërë të mundur nxjerrjen e të plagosurës dhe po punojnë për zbardhjen e shkaqeve të aksidentit./euronews.al/
