Brenda 24 orëve janë vaksinuar vetëm 141 persona kundër Covid-19, ndërsa janë shëruar 1 mijë e 792 persona, raporton teve1.info
Numri i rasteve aktive me Covid-19 ka shkuar në 10 mijë e 639.
Komuna e cila prinë për nga numri i rasteve është Prishtina, me 322 raste vetëm në 24 orët e fundit.
Edhe Instituti Kombëtar i Shëndetësisë Publike të Kosovës, ka bërë thirrje për bartjen e maskave dhe për vaksinim.
Të gjithë ata persona që kanë kokëdhembje, kollitje, dhembje fyti, vështërsi në frymëmarrje, rrjedhje hundësh, temperaturë, plogështi, humbje e shijes rekomandohen që të testohen, raporton teve1.info
“Fatkeqësisht sot janë raportuar dy raste të vdekjes nga kjo sëmundje! Në vende të ndryshme të botës, po regjistrohen raste të shumta të COVID-19, sepse pandemia COVID-19 nuk ka mbaruar. IKSHPK është duke vazhduar pandërprerë me testimin dhe gjurmimin e të gjitha rasteve, kontakteve të rasteve në komunitet dhe diagnostikimin laboratorik andaj të gjithë personat me kokëdhembje, kollitje, dhembje fyti, vështërsi në frymëmarrje, rrjedhje hundësh, temperaturë, plogështi, humbje e shijes, rekomandohen të testohen”, thuhet në njoftim.
MSh dhe IKSHPK rekomandojnë qytetarët që përkundër situatës së qetë dhe stabile epidemiologjike në vend, të jenë të kujdesshëm në zbatimin e masave preventive kundër sëmundjeve ngjitëse dhe të vaksininohen kundër Covid-19./teve1.info/
