Dy persona mbetën të plagosur me armë zjarri në orët e hershme të mëngjesit në Prishtinë.
Drejtori i Emergjencës, Naser Syla, bëri të ditur për tëvë1.info se rreth orës 03:30, të plagosurit u sjellën nga policia dhe ndihma e shpejtë në Qendrën Emergjente.
Sipas Syla, bëhet fjalë për dy persona të lindur në vitet 1995 dhe 1999, të cilët dyshohet se u plagosën në një restorant.
Ai theksoi se gjendja e tyre shëndetësore është stabile dhe se ata i janë nënshtruar ekzaminimeve të nevojshme.
Pas trajtimit fillestar në Qendrën Emergjente dhe konsultimeve me mjekë, pritet që të plagosurit të pranohen për trajtim të mëtejshëm mjekësor.
“Dy të plagosur me armë zjarri, në ora 3 e 25 min i ka sjellë policia dhe ndihma e shpejtë, viti lindjës 1995 dhe 1999, gjendja stabile , janë kryer të gjitha ekzaminime dhe trajtimi në QE, jonë transferuar për tretman të mëtutjeshëm në Klinikën e Ortopedisë”, tha Syla./teve.info/
