Lajmin për teve1.info e ka konfirmuar zëdhënësi i Policisës për rajonin e Prishtinës, Agron Borovci.
Ai bëri të ditur se dyshohet që dy persona kanë marrë plagë nga arma e zjarrit.
“Sot rreth orës 16:00, është raportuar për gjuajtje me armë zjarri të ndodhur në rrugën “Nuhi Gashi” në Podujevë. Me të marrë informatën, policia ka dalë në vendin e ngjarjes dhe nga informacionet e para dyshohet se dy persona kanë marrë plagë nga arma e zjarrit”, tha ai.
Tutje, Borovci tregoi se të plagosurit janë dërguar për tretman mjekësor, teksa hetimet janë duke vazhduar për t’i identifikuar të dyshuarit.
“Ndërkohë që të plagosuri janë dërguar për trajtimin e nevojshëm mjekësor, policia ka vazhduar me veprime të ekzaminimit të vendngjarjes si dhe me veprime të tjera operativo-hetimore me qëllim identifikimin dhe arrestimin e të dyshuarve të implikuar në rast”, tha ai./teve1.info/