Ekipi i Krimeve Kibernetike në Gjilan, me autorizim të Prokurorit të Shtetit, më 8 dhjetor 2025 ka iniciuar veprime fillestare hetimore lidhur me një rast dyshimi të veprës penale për lëshimin e çeqeve pa mbulese ose të rreme dhe keqpërdorim të kartelave bankare.
Gjatë procedurave hetimore janë siguruar prova, se dy të dyshuar të moshës së mitur përmes mashtrimit, kanë keqpërdorur të dhëna bankare të disa qytetarëve me qëllim përfitimi material të kundërligjshëm.
Me autorizim të Prokurorit të Shtetit sot janë kryer kontrolle në dy lokacione të ndara, ku gjatë kontrollit janë siguruar prova përmes të cilave është forcuar baza e dyshimit se të dy të dyshuarit kanë kryer veprat penale ‘’Lëshimi i çeqeve pa mbulese ose të rreme dhe keqpërdorimi i kartelave bankare apo kreditit”, ‘’Mashtrimi”, dhe ‘’Shpërdorimi i pasurisë”.
Të dy të dyshuarit pas arrestimit janë intervistuar në bazë të procedurave ligjore. Me vendim të Prokurorit të Shtetit të njëjtit janë dërguar në mbajtje për 24 orë.
