Dy persona kanë pësuar lëndime në një aksident që ka ndodhur në rrugën nacionale Prishtinë – Pejë, saktësisht në fshatin Korreticë e Epërme.
Sipas Policisë së Kosovës në këtë aksident që ka ndodhur rreth orës 16:15 janë përfshirë tri automjeti.
“Rreth orës 16:15, policia është njoftuar për një aksident trafiku të ndodhur në rrugën nacionale Prishtinë-Pejë (fshati Korreticë). Sipas patrullës policore në aksident janë përfshirë tri automjete. Si pasojë e aksidentit dy persona kanë marrë ndihmë mjekësore. Njësia policore është marrë me procedurat në vend-ngjarje”, ka thënë për teve1.info Bajram Krasniqi zëdhënës i Policisë së Kosovës.
