Tri raste të dhunës në familje janë raportuar në Policinë e Kosovës gjatë 24 orëve të fundit.
Siç bëhet e ditur në raportin policor, dy raste kanë ndodhur në Prishtinë, ndërsa një rast në Malishevë.
Në Prishtinë në njërin rast u arrestua një person nën dyshimin se ka sulmuar fizikisht të dashurën.
“Prishtinë/02.08.2025–02:30. Është arrestuar i dyshuari mashkull kosovar pasi i njëjti kishte sulmuar fizikisht viktimën femër kosovare me të cilën kishte qenë në lidhje dashurie. Me vendim të prokurorit i dyshuari është dërguar në mbajtje”, thuhet në njoftim.
Në rastin e dytë në Prishtinë, raportohet se një grua u sulmua nga një i dyshuar dhe më pas u largua nga vendi i ngjarjes.
“Prishtinë /02.08.2025–05:00.Është raportuar se viktima f/k është sulmuar fizikisht nga i dyshuari mashkull kosovar dhe më pas është larguar nga vendi i ngjarjes me veturën e tij. Viktimës i është ofruar tretman mjekësor. Pas intervistimit me vendim të prokurorit rasti inicohet si më lartë dhe vazhdon të hetohet”, thuhet në njoftim.
Kurse, në Malishevë u arrestua një person nën dyshimin se ushtroi dhunë fizike dhe psikike ndaj bashkëshortes së tij.
“Malishevë / 02.08.2025-22:00. Është arrestuar i dyshuari kosovar nën dyshimin se i njëjti ka ushtruar dhunë psikike dhe fizike ndaj viktimës f/k-bashkëshortes së tij. Viktimës pasi i është ofruar tretman mjekësor, është kthyer tek prindërit e saj, ndërsa i dyshuari pas intervistimit me vendim të prokurorit është dërguar në mbajtje” njofton Policia.
