Dy persona janë arrestuar nga Policia e Kosovës, nën dyshimin se me disa të tjerë kanë organizuar bixhoz të paligjshëm në Klinë.
Në raportin ditor është bërë e ditur se në vendin e ngjarjes janë sekuestruar edhe katër vetura.
“Po ashtu në vendin e ngjarjes janë sekuestruar katër vetura që dyshohet se u takojnë personave që janë të implikuar në rast dhe me të vërejtur policinë kanë ikur nga vendi i ngjarjes. Në konsultim me prokurorin pas inicimit të rastit dy të dyshuarit janë dërguar në mbajtje”, thuhet në raportin 24-orësh të policisë.
