Dy persona janë arrestuar në Drenas të martën.
Sipas Policisë së Kosovës një i dyshuar kishte ushtrua dhunë fizike ndaj tre personave të cilët kanë pranuar tretman mjekësor.
I dyshuari për këtë rast të dhunës në familje është dërguar në mbajtje 48 – orë.
“Është raportuar se i dyshuari mashkull kosovar në shtëpinë e tij kishte ushtruar dhunë fizike ndaj tre viktimave (një femre dhe dy meshkujve kosovarë). Si pasojë e dhunës fizike viktimat kanë pranuar tretman mjekësor. I dyshuari është arrestuar dhe pas intervistimit me vendim të prokurorit është dërguar në mbajtje për 48 orë”, thuhet në raportin 24 – orësh.
Ndërsa, rasti i dytë ka ndodhur në fshatin Abëri e Epërme, ku një person ka sulmuar dy policë.
Ai ishte hasur nga policia duke thyer dhe demoluar dritaret e shtëpisë.
“Lidhur me rastin është intervistuar i dyshuari mashkull kosovar, i cili nga njësiti policor ishte hasur duke demoluar dhe thyer dritaret e shtëpisë, po ashtu i njëjti i ka sulmuar dy zyrtarë policor. Si pasojë e sulmit dy zyrtarët policor kanë pranuar tretman mjekësor. Gjithashtu ndihmë mjekësore ka pranuar edhe i dyshuari i cili pas intervistimit lidhur me veprën penale me urdhër të prokurorit është liruar në procedurë të rregullt”, thuhet nga policia.
