Njësiti i Komunikacionit Rrugor në Ferizaj, gjatë realizimit të detyrave për kontrollin dhe mbikëqyrjen e trafikut rrugor, ka ndëshkuar dy shoferë që kishin arritur kufirin maksimal të pikëve negative të lejuara me ligj
A.S. (26) është ndëshkuar me masën mbrojtëse – ndalim i ngasjes së automjetit për 12 muaj, pasi për dy kundërvajtje të kryera në komunikacion kishte arritur 10 pikë negative. Ndërsa F.Z. (27) është ndëshkuar me të njëjtën masë mbrojtëse – ndalim i ngasjes së automjetit për 12 muaj, pasi për pesë kundërvajtje të shkaktuara në komunikacion kishte arritur 9 pikë negative.
Drejtoria Rajonale e Policisë në Ferizaj apelon te të gjithë shoferët e automjeteve që të respektojnë normat dhe rregullat e trafikut rrugor. Po ashtu, policia inkurajon qytetarët që çdo kundërvajtje të shkaktuar në trafik ta raportojnë në stacionin më të afërt të policisë, përmes aplikacionit digjital “Lajmëro Policinë” ose duke telefonuar në numrin 192.
