Vonesa e njësitit transportues për të sjellë dy të akuzuarit për krime lufte në Gjykatën Themelore në Prishtinë bëri që te shtyhej edhe seanca për më shumë së gjysmë ore.
Kësisoj me arritjen e të gjitha palëve në gjykatore u mbajt shqyrtimi fillestar ndaj Dragan Miloviq dhe Zoran Kostiq të cilët akuzohen se kanë kryer krime lufte në komunën e Vushtrrisë në vitin 1999.
Seanca nisi me vërejte te ekipeve mbrojtëse të dy serbëve, të cilët thanë se nuk janë pajisur me të gjitha shkresat e lëndës nga prokuroria.
Por një gjë të tillë e mohoi prokurorja speciale Florije Shamolli, megjithatë u arrit pajtueshmëri mes palëve që të procedohet tutje me seancën.
Pas kësaj, prokurorja lexoi aktakuzën.
“Në bashkëkryerje më pjesëtarë të tjerë të policisë, ushtrisë dhe paramilitarëve serb i veshur në uniformë të policisë dhe i armatosur me vetëdije dhe me qëllim duke vepruar sipas planit të urdhrave të eprorëve të tij ka marrë pjesë direkt në sulmin ndaj popullatës civile shqiptare, thuhet në aktakuzën të cilën e lexoi prokurorja Florije Shamolli.
Madje përmendi se Kostiq konkretisht kishte marrë pjesë në vrasjen e disa familjarëve të familjes Ujkani.
“Ka djegur shtëpi dhe ka vrare civil të paarmatosur në fshatin Reznik familjen Ujkani.. me qëllim që ti zhdukin provat ua vene zjarrin dhe djegin kufomat e familjes Ujkani”, thuhet tutje në aktakuzë.
Po ashtu në aktakuzë thuhet se Miloviq në bashkëkryerje, me forcë i kanë dërguar diku 20 mijë banorë civilë të Vushtrrisë tek varrezat e qytetit kanë maltretuar, rrahur e torturuar civilë.
Pas leximit të aktakuzës, Miloviq dhe Kostiq u deklaruan të pafajshëm.
Aktakuza ndaj Miloviq dhe Kosqit është ngritur më 16 maj 2024.
