Dy raste të dhunës në familje janë evidentuar në raportin e fundit 24-orësh të Policisë së Kosovës.
Sipas policisë, incidentet janë raportuar në Prishtinë dhe Rahovec.
Në rastin e parë, që ka ndodhur në Prishtinë, një grua ka kërkuar ndihmë mjekësore pasi dyshohet se është sulmuar fizikisht nga bashkëshorti i saj pas një mosmarrëveshjeje. Viktima më pas është strehuar në një strehimore, ndërsa i dyshuari është arrestuar dhe më pas është liruar në procedurë të rregullt.
Ndërkaq, në Rahovec është raportuar një rast që përfshin një ish-çift bashkëshortor. Lidhur me këtë rast, prokuroria ka urdhëruar që procedurat të vazhdojnë në rrugë të rregullt ligjore.
Raporti:
DHUNË NË FAMILJE
Prishtinë 12.06.2026-12:20. Është raportuar se bashkëshorti i viktimës, i dyshuari mashkull kosovar, pas një mosmarrëveshje e kishte ofenduar dhe e kishte sulmuar fizikisht bashkëshorten e tij. Viktima ka pranuar tretman mjekësor dhe me dëshirën e saj ka shkuar në strehimore, ndërsa i dyshuari është arrestuar dhe pas intervistimit me vendim të prokurorit është liruar në procedurë të rregullt.
DHUNË NË FAMILJE
Rahovec 24.05.2026-16:50. Është raportuar rasti ku të përfshirë janë një ish qift bashkëshortor. Me vendim të prokurorit rasti vazhdon në procedurë të rregullt.
