Në Suharekë të martën rreth orës 13:00 një person është shoqëruar në stacionin policor, pasi që i njëjti ka rrahur vajzën e tij të mitur, raporton teve1.info
Sipas policisicë palët janë liruar dhe rasti shkon në procedurë të rregullt.
“Suharekë 08.03.2022 – 13:00. Është shoqëruar në stacionin policor i dyshuari mashkull kosovar, pasi që ka ushtruar dhunë ndaj vajzës së tij viktimës femër kosovare (e mitur). Pas intervistimit, me vendim të prokurorit, palët janë liruar dhe rasti shkon në procedurë të rregullt”, thuhet në raport.
Ndërsa në Han të Elezit është arrestuar një person sepse ka rrahur nënën e tij. I dyshuari është dërguar në mbajtje.
“Hani Elezit 08.03.2022 – 10:15. Është arrestuar i dyshuari mashkull kosovar, pasi që ka ushtruar dhunë ndaj nënës së tij viktimës femër kosovare. Nuk raportohet për të lënduar. Me vendim të prokurorit, i dyshuari është dërguar në mbajtje”, ka bërë të ditur policia./teve1.info
