Dy punëtorë në Gjilan kanë pësuar lëndime trupore pasi janë goditur nga rryma elektrike gjatë punimeve për ndërrimin e njehsorëve.
Policia e Kosovës në raportin ditor ka bërë të ditur se ata janë dërguar menjëherë për trajtim mjekësor dhe ndodhen jashtë rrezikut për jetë.
Policia ka njoftuar se në vendngjarje kanë mbërritur njësitë policore, si dhe inspektori i punës, për të hetuar rrethanat e incidentit.
Ndërkohë, prokurori është informuar për rastin, i cili është iniciuar si “asgjësim, dëmtim ose heqje e pajisjeve mbrojtëse dhe rrezikim i sigurisë në vendin e punës”.
