Dy persona janë therur me thikë të dielën në Istog.
Të lënduarit janë dërguar në Spitalin e Përgjithshëm të Pejës ku janë duke marrë trajtim mjekësor.
Nga ky spital kanë bërë të ditur se një person është me lëndime të lehta kurse tjetri i është nënshtruar ndërhyrjes kirurgjike.
“Në Spitalin e Përgjithshëm në Pejë janë pranuar dy pacientë me lëndime nga armë të ftohta. Njëri është trajtuar me lëndime të lehta, ndërsa tjetri është duke iu nënshtruar ndërhyrjes kirurgjikale.Ekipet mjekësore janë në kujdes të plotë për të dy rastet”, thuhet në njoftim.
Rasti është konfirmuar edhe nga zëdhënës polici për rajonin e Pejës, Fadil Gashi.
“Rreth orës 18:35, Policia është njoftuar për një përleshje në një lokal në Komunën e Istogut. Si pasojë e ngjarjes, dy persona janë dërguar në Qendrën e Mjekësisë Familjare në Istog, ku dyshohet se janë therur me armë të ftohtë – thikë. Njësitë policore janë në vendin e ngjarjes dhe janë duke kryer hetime intensive për të zbuluar shkaqet dhe rrethanat që kanë ndodhur në këtë rast”, ka thënë Gashi.
