Policia e Kosovës ka bërë të ditur se dje në Zveçan ka ndodhur një tentim vrasje.
Sipas Policisë, një mashkull serb ka pësuar lëndime trupore, pasi që i njëjti është sulmuar fizikisht dhe është therur me thikë nga një i dyshuar, serb.
Gjithashtu, gjatë përleshjes është bërë e ditur se lëndime trupore ka pësuar edhe i dyshuari.
Në raportin 24-orësh, thuhet se dy personat janë dërguar për tretman mjekësor dhe të njëjtit sipas raportit mjekësore janë jashtë rrezikut për jetë.
Ndërkaq, me vendim të prokurorit i dyshuari është dërguar në mbajtje, dhe policia thotë se rasti është ende në hetime.
Njoftimi i Policisë së Kosovës:
“TENTIM VRASJE- Zveçan 10.06.2023 – 16:30. Lëndime trupore ka pësuar viktima mashkull serb pasi i njëjti është sulmuar fizikisht, therur me thikë nga një i dyshuar mashkull serb. Gjatë përleshjes lëndime trupore ka pësuar edhe i dyshuari. Viktima dhe i dyshuari janë dërguar në tretman mjekësorë dhe të njëjtit sipas raportit mjekësorë janë jashtë rrezikut për jetë. Me vendim të prokurorit i dyshuari është dërguar në mbajtje. Rasti nën hetime”, thuhet në njoftimin e Policisë./teve1.info/
