Dy persona hodhën një bombë në kopshtin e një shtëpie në Isniq

Policia ka njoftuar se dy persona dyshohet se kanë hedhur një bombë në kopshtin e një shtëpie në fshatin Isniq të Deçanit.

Sipas raportit 24-orësh të Policisë, në vendin e ngjarjes në cilësi të provës materiale është gjetur dhe konfiskuar një dorezë që dyshohet të jetë e bombës se dorës.

Nuk raportohet për të arrestuar apo të lënduar. Rasti ka është trajtuar si shkaktim i rrezikut të përgjithshëm.

“Raportohet se dy persona të dyshuar me një motoçikletë (skuter), në kopshtin e një shtëpie kanë hedhur një bombë dore. Në vendin e ngjarjes në cilësi të provës materiale është gjetur dhe konfiskuar një dorezë që dyshohet të jetë e bombës se dorës. Nuk raportohet për të lënduar apo dëme materiale”, thuhet në raportin e Policisë.